සැප්තැම්බර් 23 වන දින RTI වෑන් රථයේ මීළඟ චාරිකාව ආරම්භ වූ අතර රත්නපුර, මාතර සහ කොළඹ යන දිස්ත්‍රික්ක හරහා යමින් දිස්ත්‍රික්කයකට සන්ධිස්ථාන දහය බැගින් ආවරණය කරන ලදී. බොහෝ ස්ථාන වලදී වෑන් රථයේ අත්දැකීමට පුරවැසියන් උද්යෝගයෙන් ද කුතුහලයෙන්ද මුහුණ දෙනු අත්දැකිය හැකිවිය.      

සැප්තැම්බර් 16 වන දින TISL සහ සර්වෝදය කණ්ඩායම් RTI වෑන් රථයෙන් අනුරාධපුරය බලා පිටත්ව ගිය අතර,දින දෙකක් පුරාවට සන්ධිස්ඨාන 10ක් ආවරණය කරන ලදී.  

සැප්තැම්බර් 12 දින TISLහි RTI කණ්ඩායම ගත කරන ලද්දේ මාතර දිස්ත්‍රික්කයේය. මෙහිදී සෞඛ්‍ය, අධ්‍යාපනය, ජල හා සනීපාරක්ෂක, පාරිසරික සහ පොදු ප්‍රවාහන යන තේමා ඔස්සේ සිවිල් සමාජ එකමුතුවක් පිහිටුවනු ලැබිණ. TISL ආයතනයේ සහය ද ඇතිව සිය කාර්යභාරයන් ඉටු කිරීමේදී තොරතුරු දැනගැනීමේ අයිතිය යොදාගත් ඉතා උද්යෝගීමත් සිවිල් සමාජ ක්‍රියාකාරී සංවිධානයක් මෙම එක්දින වැඩමුළුවට සහභාගී වන ලදී.

2017 සැප්තැම්බර් 7 වන දින අපේ කණ්ඩායම වුයේ අම්පාරේ තොරතුරු දැනගැනීමේ අයිතිය පිළිබඳව එක්දින වැඩමුළුවක් සංවිධානය කරන ලදී.මෙය සිංහල සහ දෙමළ භාෂාවෙන් පවත්වන ලද අතර මේ සඳහා සිවිල් සමාජ සාමාජිකයන් 50 කට අධික සංඛ්‍යාවක් සහභාගී වන ලදී.එය කාලීන ගැටළු සම්බන්ධයෙන් සාකච්ඡා කළ ඉතා තෘප්තිකර දවසක් විය.